Tualchhung football a referee te inchher hriamna leh intuai tharna tur MFA Referee Development Course chu Thawhlehni khan Lunglei-ah an nei tan.
He course hi ni li awh tur a ni a, DRDO Conference Hall, Lunglei ah MFA Sr. Vice President leh Referee Committee chairman ni lai PC Vanlalhruaia chuan a hawng
He referee Development Course-ah hian district pali – Siaha (7), Lawngtlai (3), Hnahthial (8) leh Lunglei (21) atangin mi 39 an tel.
Vawiin leh naktuk lamah DRDO Conference Hall-ah theory zir chhunzawm a ni anga, tlai tin C. Thuamluaia Mual-ah practical training neih a ni thin ang.
Zirtawpni zing atangin Lena Stadium ah Fitness test leh Written test an exam dawn a ni.
MFA Sr. Vice President chuan Referee Development Course hmang tura district pali atanga mi 39 zet an kal thei chu lawmawm a tih thu a sawi a. Football hmasawn nan referee-te pawimawhzia a sawi a. Referee hi hna tha, zahawm leh pawimawh tak a nih thu a sawi.
Referee exam tura lo kal khawm te chu hlawhtling theuh tur leh taima taka tan la zel turin a duh thu a sawi a, professional referee thleng ni chho turin duhsakna a hlan.