UFC lightweight title chuhtu zinga tel tawh Kevin Lee chuan a hming a chherna hmun Ultimate Fighting Championship-ah a kir leh dawn tih a sawi.
Kum 30 mi Lee hian UFC nen a contract an tihtawp atanga kum khat a liam hnuah contract thar an ziah leh thu a sawi a. Octagon a luh hun tur la hre lo mahse nipui hma in a nih a beisei thu a sawi.
“Dana White leh Hunter Campbell te nen inhmu in kan indawr a, ka inpuiah ka kir leh dawn niin ka inngai. Anni pawhin lawm taka min lo pawm leh hi an chungah ka lawm a. Ka MMA career bung thar ka kai tur hi ka phur tawh hle.” tiin a sawi.
19-7 record nei Lee hian kum 2017 October thla khan Tony Ferguson chu UFC interim lightweight championship inchuhin a hmachhawn tawh a, hemi tum hian round thumnaah a tlawm.
Hemi hnuah hian vawi sarih inlanin vawi hnih chiah a chak a, kum 2021 khan UFC a contract a neihlai chu tihtawp a ni.
Lee hian UFC a chhuahsan lai hian thil kaldanah a lungawi vek lo tih lo sawi tawh mahse UFC nen an inkar an siamtha a. Kuminah Eagle FC-ah vawikhat inlanin Diego Sanchez chu unanimous decision in a hneh.