Aizawl : Champhaia Narcotics Control Bureau (NCB) Branch office leh Staff quarters sakna tur ram te chu nimin khan District level Narco Coordination centre (NCORD) committee Chairman, Ch -amphai Bawrhsap James Lalrinchhana leh member dang ten Department hotute leh khawtlang hruaitute nen an enfiah.
Sorkar thuchhuahin a tarlan danin, NCB Branch office Champhaia hawng turin sorkarin hma a la a. office leh staff quarters sak na atan Agriculture deptt-in Champhai Vengsanga an Rest house ram an sahthlak phal a, Champhai Vengsang khawtlang hruaitu ten YMA park ram an sakthlak phal bawk a, heng ram pahnih te hi nimin khan enfiah a ni a. Nakin zel atana tha turte sawiho a nih hnuah thuneitu sang zawk hnenah rawtna an thlen dawn a ni.
Champhai Bawrhsap chuan ruihhloin khawtlang leh ram a nghawng nasat thu leh ruihhlo chu chak lehzuala do a tul thu a sawi a. Ramri dep, Champhai-ah Ruihhlo do kawnga hmalatu NCB branch hawn a ni tur chu lawmawm a tih thu sawiin, Agriculture department leh Champhai Vengsang khawtlangin ram an sahthlak phal avangin lawmthu a hrilh bawk.