Belgium chuan an head coach atan RB Leipzig boss hlui Domenico Tedesco an lalut.
Kum 37 mi hian 2024 European Championship thleng a team enkawl turin contract a ziak a. Italy a piang Tedesco hian German khua leh tui nihna a nei.
Belgium-ah hian kum ruk chhung team enkawl tawh Roberto Martinez a thlak dawn a. Tun tum Qatar World Cup-ah group stage a an tlak hnuah Martinez hi a bang.
“Belgium head coach thar nih hi ka tan thil ropui tak a ni a. He hna thawh hlan hi ka nghakhlel.”
“Ka phur tawh hle a, hlawhtlin ngei ka tum bawk. Kan inbiak hmasak ber atang khan engkimah beiseina ka nei sang hle.” tiin Tedesco chuan a sawi.
Belgium inkhel a enkawl hmasak ber tur hi March 24 a Euro 2024 qualifier a Sweden an hmachhawn hunah a ni ang.