Aizawl: Thawhlehni zana Central YMA Exeuctive Committee thukhawm chuan, India ram puma Uniform Civil Code (UCC) hman a nih lohna turin hmalak rel.
Central YMA President R lalngheta kaihhruai Central YMA Committee Room-a thutkhawmah hian, India ram puma UCC hman tumna awm hi Mizo hnam leh hnam tenaute tan a him dawn lo nia an hriat avangin, hman a nih lohna tura hmalak an rel a. Hemi atan hian hun remchangah kohhran hrang hrang hruaitute, NGO leh Political party hrang hrang hruaitute nen sawi hona hun hman nise an ti.
Thutkhawmah hian Central YMA hnuaia ruihhlo do pawl, batch thumna ruat thar ni bawkin, Convener-ah Prof. Malsawmliana, Asst.Secretary; Asst. Convener atan RL Zomawia CEC leh Zochhuana, CEC; Secretary-ah Lalthazuala Renthlei, CEC, Asst. Secretary atan Er. K. Lalrimawia, CEC bakah member atan Aizawl City Branch aiawh mi 30 an ruat.
Kuhva ro tawlh ruk dona tura sorkarin task Grouo a din chu lawmawm tiin, theihtawpa tawiawm an tel bawk.