Aizawl : Mizoram Apex Handloom & Han- dicraft Co-operative society ltd. (MAHCO) buatsaih tun thla ni ni 14 th- leng awh tur State Handloom Expo chu nimin khan Saikuti Hall, Lungleiah Lunglei Bawrhsap Ramdinliani’n a hawng.
Lungleia Handloom Expo-ah hian MAHCO hnuaia Society member 31-in inpho-in Handloom kutchhuak puan ven chi leh thawmhnaw chi hrang hrang bakah kut themthiam thil chi hrang hrang te pho- chhuah a ni a. MAHCO Project Manager Lalrinawma Pachuau-in a sawi danin, Handloom Expo hi sorkar laipuia Ministry of Textile-in a sponsor niin, Ministry of Textile hnuaiah Mizoramin Handloom Expo buatsaih theihna panga a neih zingah MAHCO-in pahnih changin Saitualah buatsaih tawh a ni.
Handloom Expo ha- wngtu Lunglei Bawrhsap chuan Handloom Expo a tel Society te fakin, hun dangah tam zawk tel thei tura tan lak erawh tul a tih thu a sawi a. Expo chu mipui tam zawk hn- ena inphochhuahna remchang tak a nih thu sawi.
Ramdinliani chuan “Mizo hmeichhiate hi kan kut a themthiam a, kan mit pawh a fingin a ngaihna pawh kan hre hle” tiin, heti chunga eizawnna zau zawk leh lian zawk kalpui an har- sat chhan chu an kutchhuak quality a that tawk thin loh bakah hun an vawn dik loh avangin an kutchhuak mamawhtute duh hunah an peih hman lo fo niin a sawi a. Hlaw- htlinna sang zawk chang thei tur chuan quality leh an hnathawh phung an ngaihpawimawh a tul thu a sawi bawk.
Lunglei Bawrhsap chuan national leh international thlenga an duh leh mamawh ang siamchhuah kawngah leh zau zawka zawrh dan chan- gkang zawk, khawvel changkanna mila zir chhoh zel tul a tih thu a sawi bawk a ni.