Social Welfare & Tribal Affairs leh Women & Child Development department tan- gkawp buatsaih – State Nutri-Garden Award chu nimin khan Vanapa Hall, Aizawlah sem a ni, he hun hi Social Welfare & Tribal Affairs Minister Er. Lalrinawma’n a hmanpui.
State Nutri-Garden Award dawngtute chu : 1st – Kolasib Anganwadi centre-XII (Anganwadi Worker : Vanlalchhuangi); 2nd – Serte Anganwadi centre-I (Anganwadi Wor- ker : Lalsangluri); 3rd – Ngopa Anganwadi centre-II (Anganwadi Worker : K. Lalremsangi te niin, North Tinghmun Anganwadi centre-II leh Chakang Anganwadi centre III ten consolation prize an dawng a. Heng bakah hian Dist Nutri-Garden Award mi 33 hnenah hlan a ni bawk.
Social Welfare & Tribal Affairs Minister chuan Anganwadi centre 1638 velin Nutri-Garden an siam thei ropui a tih thu sawiin, Nutri-Garden la nei thei lo centre 606 vel te pawh nasa taka hma la thar turin a chah.
Er Lalrinawma chuan August ni 1, 2022 ah Ministry of Women & Child development-in Saksham Anganwadi & POS- HAN Abhiyaan 2.0 mission hnuaia hmalak dan tur inkaihhruaina a tichhuah thu sawiin, he mission-in a tum ber chu India rama naupanga thanthu tihtlem; taksa rihna leh san zawng khaikhina zang lutuk tihtlem; taksa rihna leh kum khaik- hina zang lutuk tihtlem leh nausen pianghlim buk zang lutuk tih tlem bakah nu, naupai, naupawm laite leh tleirawl ten chaw tha an hmuh mumalloh avanga harsatna an tawh thin thisen tlak- chhamna (Anaemia) tih tlem leh inven te a nih thu a sawi bawk.