Tottenham goalkeeper leh captain Hugo Lloris chu khup hliam avangin thla khat leh a chanve atanga thla hnih chhung vel a chawlh a ngai dawn.
Pathianni zana Manchester City nen an inkhelh tumin France captain kum 36 mi ni tawh hian a khup hi a ti na a. A hliam hi enfiah a nih hnuah a chawlh rei deuh a ngai dawn.
Spurs hian Lloris thlak tur hian Southampton goalkeeper hlui, England goalkeeper ni tawh Fraser Forster an nei a. Academy player Brandon Austin leh Alfie Whiteman te pawh an awm a, anni erawh inelna sangah tawnhriat an la nei tlem.
Thla hmasa a France tana inkhelh a chawlhsan thu puangtu Lloris hian tun season-ah league game 21 atangin goal venhim tum sarih a nei a. Inrinni hian Leicester City nen league a an inkhelh hnuah AC Milan nen UEFA Champions League-ah an inkhel leh dawn a ni.