Transport Minister TJ Lalnuntluanga’n kum kalta 2022 chhung khan transport department-in lirthei dan zawm lo 11,313 an man thu house a hrilh.
Assembly thutkhawm neih mekah nimin khan Aizawl North I bialtu MLA Vanlalhlana zawhna chhangin transport minister chuan, nikum chhung khan transport department-in lirthei dan bawhchhia an man zat 11,313 a nih thu sawiin, lirthei neituten document hrang hrang an pai reng tur te sawiin – non transport vehicle-in insurance certificate, registration, pollution certificate leh driving licence te an pai reng tur a nih thu leh transport vehicle ten non trasport vehicle khalhtute document ken tur ang an ken bakah fitness certificate leh plying permit te an pai reng tur a nih thu a sawi bawk.