Andhra Pradesh police-te chuan Odisha pa pakhat, kum 33 mi, a nupui ruang pu hawtu chu puiin an hawna tur ambulance hman man an tumsak.
Autorickshaw khalhtuin a phurh hawsak duh loh avang leh lirthei dang hmanna tur pawisa a neih bawk si loh avangin kein a nupui hi a pu haw ta tawp a ni.
Andhra Pradesh-a Vizianagaram-a chengten kea a nupui a pu haw hi an lo hmu a, police hrilhin a hawna tur ngaihtuahsak turin an ngenpui ta a ni.
Odisha-a Koraput-a cheng, Ede Samulu-a hian a nupui, Ede Guru-i damlo chau tak chu Visakhapatnam-a Sangivalasa-ah inentir turin a kalpui a ni.Doctor hian hun eng emaw chen a enkawl hnuah haw turin a ti ta a ni.
An khua, Odisha-a Sorada pan tur hian autorickshaw a hire a, an khua an thlen hma km 130 vel a la awm tihah, Vizianagaram an thlen chuan a nupui hi a thi ta a ni.
Autorickshaw khalhtu hian a phur zui duh ta lo va, chuan manah Rs 2,000 a laksak bawk avangin Samulu-a hian lirthei dang hman maina tur a nei ta lo a ni.
A nupui chu kilometre tam tak a pu hman tihin mi thenkhatin an lo hmu ta a. Inspector TV Tirupati Rao leh Sub-Inspector Kiran Kumar Naidu te chuan ambulance a hmanna tur Rs 10,000 an khawn khawmsak ta a ni.