Aizawl : Lawngtlai Bawrhsap kalchhuak tur Amol Srivastava chu Nilaini khan Lawngtlai dist-a sorkar pisa hrang hranga hotute leh Officers’ club, Lawngtlai-in thlahin, ngai- hhruina thilpek an hlan.
Lawngtlai Bawrhsap kalchhuak tur hnenah Officers’ club aiawhin President Er Laldawngliana’n ngaihhruina thuziak a hlan a. State Bank of India, La- wngtlai branch leh BDO Bungtlang ‘S’ ten ngaihh- ruina thilpek an hlan bawk.
Lawngtlai Bawrhsap kalchhuak tur Amol Srivastava chuan Bawrhsap hna a thawh chhunga La- wngtlai dist mipui, pawl hrang hrang, kohhran, district council leh sorkar department hrang hrangte thawhpuina leh ṭawiawmnaah lawmthu a sawi a. Lawngtlai district-a a awm chu a hnathawh kawnga hun chhinchhiahtlak leh a hriatreng tur a nih thu sawi bawk.
Amol Srivastava hian May ni 20, 2022 ah Lawngtlai Bawrhsap hna a zawm a. Mizoram sorkara Disaster Management & Rehabilitation department-ah Additional secretary ni turin Lawngtlai District Bawrhsap office hi a chhuahsan dawn a ni.