Bollywood nupa tuak thar Siddarth Malhotra leh Kiara Advani te hausakna hian a barakhaih viau che a rinawm.
SIDDARTH MALHOTRA
A hmasa in, lemchan khawvel an zuanluh dan en hmasa ila: Sidharth hi 2012 khan Karan Johar film, ‘Student of the Year’ atangin bul a rawn tan a, a lar nghal. Heng film dang- Ek Villain, Kapoor & Sons leh Hasee Toh Phasee ah te hming a chher chho hle a, 2021 a tihchhuah, ‘Shershaah’ ah tuna a nupui tur Kiara Adavani nen an inlan leh bawk.
Report tarlan danin, film pakhatah cheng vaibelchhe 6-8 vel a inchhiar thin a, advertistment-ah chuan cheng vaibechhe 3 vel a la thin. A hausak leh hlutna hi cheng vaibelchhe 100 vel anga chhut a ni a, Bandra-ah IN changkang tak a nei a, Range Rover Vogue (Rs Vbc 2.26) leh Mercedes ML 350 CDI a kawl bawk
KIARA ADVANI
Kum 2014 khan ‘Fugly’ film hmangin lemchan khawvel a zuanglut a, a hit pui hran lo. Mahse, ‘MS Dhoni’ leh ‘Lust Stories’ atangin Indian tlangval ho ngaihzawnrawn hlawh chhovin, Bollywood hmeichhe filmstar lar ber zingah a invawrhchho nghal.
Film pakhat zelah cheng vaibelchhe 3-4 a inchhiar a, film background a neih that bakah Bollywood lama huhang ngah tak takte nen an inhnimhnai bawk nen, a mikhual lo hle.
Lirthei a nei tha viau mai a; $Maktaduai 1.58 man Audi A8L, Rs nuai 71.79 man Mercedes Benz, Rs Nuai 77.90 man BMW X5 bakah sedan changkang tak, Rs 74.50 man a kawl bawk.
Advertistment atangin sum a lalut hnem angreng a, vawikhat a chetchhuah hian cheng vaibelchhe 1 atanga 1.5 lalut ziah ang a ni a, thlah te atanga rethei zawk zawk an nih bawk si loh avangin rual a awt bik lo hle tura ngaih a ni.