Aizawl: Aizawla Chanmari atanga Zarkawt Biak In inkar kawng siam that hna thawh a nih dawn avangin Thawhtanni atangin helai kawng hi khar a ni dawn.
Nimin khan Sr. Superintendent of Police, Traffic chuan thupek a chhuah a. PWD, Aizawl Road North Sub-Division I-ten Chanmari atanga Zarkawt Biak In inkar kawng siam that hna an thawh dawn avang hian helai kawng hi ni tin zing dar 9:30 atanga tlai dar 5:00 inkar khar/block a ni dawn tih mipuite hriattirna a chhuah.
Hnathawh tibuai thei turin hnathawhna huam chhung kawngpuiah lirthei leh bungrua dah/park phal a ni lo bawk.
Thupek hian siam zawh a nih hma chu a huam ang.