Aizawl : PC party President Vanlalruata’n Mizorama political par- ty tin te ‘policy debate’ neihpuia sawmna ziakin an pe niin a sawi.
Nilainia PC party hruaitute thutkhawmah he thu hi PC President chuan a sawi a. MLA inthlan kum a nih avangin party tinin sorkarna an chana an tih tur te an puan tawh hlawm thu sawiin, ”Mipuite thu tak kan hrilh tur a ni a, kan thusawi te a tak a nih leh nih loh hriat dan tur awlsam leh ṭha chu mipui hmuh leh hriata ‘Policy debate’ a ni, chuvangin party tinte debate neihpui atan kan sawm a ni,” a ti.
PC party President chuan, “thil ṭha leh ṭha àwm tak, mipui duh zâwng tak tur ziah leh sawi hi thil har a ni lo” tiin, “a pawimawh lai chu ‘kan thil sawi te a tihhlawhtlin theih tak- zet em,’ tih hi a ni” a ti bawk.
Hun kal tawhah tih- hlawhtlin leh theih loh, sawi leh tiam a awm ṭhin thu Vanlalruata chuan sawiin, inbumna ang hiala ngaih theih te pawh a awm ṭhin niin a sawi bawk a ni.