Prime Minister Narendra Modi leh Afghan President Ashraf Ghani chu ral atanga inbiain Shahtoot dam project siamna turin inremna (MoU) an siam.
MoU hi External Affairs Minister Dr. Jaishankar leh Afghan Foreign Minister Hanif Atmar ten an ziak a. He tuikhuah sak tur hi Kabul khawpuia miten tui in tur thianghlim an neihna tur a ni a, a bul hnaia mite tan thlai chawmna tur tui an lakna tur awlsam leh electric siamna tur a ni nghal bawk.
Project hi India leh Afghanistan ramten New Development Partnership an neih zinga mi a ni.
Tun hi India-in Afghanistan-a tuikhuah a siam pahnihna tur niin a hma khan India-Afghanistan Friendship Dam, Salma Dam an tih chu siamin Modi leh president-in June, 2016 khan an lo hawng dun tawh.
Shahtoot Dam siam lehna tura inremna ziah leh hi India-in insumdawn tawnna piah lama thil dangah pawh Afghanistan a thawhpuina tihngheh zelna leh ram pahnihte inthian thatna tihchakna tur a ni.