Silchar leh Aizawl inkar kawng four lane-a siam bulṭan mekah Vairengte leh Kolasib inkarah mi 480 hnenah zangna- dawmna Rs. vaibel- chhe 281.73 pek tawh a ni a. Kolasib leh Sairang inkar zangnadawmna erawh tihfel a la ni lo.
Parliament session neih meka Rajya Sab- ha MP K. Vanlalvena zawhna Union Minister of Road Transport and Highway Nitin Jairam Gadkari-a’n ziaka a chhannaah Mizoram hmun hrang hranga NHIDCL hnuaia kawng laih hna thawh mek leh a kaihhnawih pawimawh te tarlan a ni a. Silchar – Aizawl four lane ka- wng laih tur chu package 8-ah then niin, package 2 chu Assam NHIDCL kutah dah a nih thu leh package 6 chu Mizoram NHID- CL kutah dah a nih thu tarlan a ni.
Mizorama package 4-ah hnathawktu tur Contractor thlan fel tawh niin, Rs. vaibel- chhe 2369.35 sanction tawh a nih thu leh Ka- wnpui – Sairang package 2 chu DPR siam mek a nih thu zawhna chhannaah chuan tarlan a ni bawk.
Union Minister-in zawhna a chhannaah chuan Mizorama two lane kawngpuite thlur 4-a laih mek a ni a. Aizawl – Tuipang KM 380 a thui Rs. vai- belchhe 7280.95 te; Aizawl – Imphal via Ngopa two lane road KM 98.57 a sei Rs. vaibelchhe 1517.60 te; Seling – Champhai KM 119.95 a thui Rs. vaibelchhe 2279.74 te; Lunglei – Tlabung two lane road KM 74.95 a thui Rs. vbc 1439.03 te chu NHIDCL hnuaiah contractor hrang hrang ten an tha wk mek tih tarlan a ni bawk a ni.