Chhattisgarh-a Kanker district-ah Ningani khan truck-in an chuanna autorickshaw a hnawl avangin sikul naupang panga an thi a, mi dang paliin hliam an tuar bawk.
Hliam tuar naupang palite hi damdawi inah dah nghal niin an dinhmun pawh a tha lo hle tih police chuan an sawi.
Chief Minister Bhupesh Baghel chuan thi chhungte a tawrhpui tak zet thu Twitter-ah a tar lang.
“Puihna leh buaipui ngai awm zawng zawng chu health department-in a ti nghal vek a. A tuartu chhungkuate chakna pe turin pathian hnenah ka dilsak a ni,” tiin Baghel-a hian Hindi-in Twitter-ah a tar lang a ni.