Aizawl : Kumin March ni 2-a Aizawla neih tur G20 Business meeting atana inbuatsaihna kal mekah nimin khan Information & publicity sub-committee chu an Cha- irman, I&PR Secretary HM. Hualsangi hovin an thukhawm a. Hma- lakna leh hmachhawp te an thlirho.
Core Committee on G20 Business meeting-in an kuta hmachhawp a dah zingah school, college leh zirna in dang hrang hranga zirlaite hnenah G20 chu- ngchang zirtirna (awa- reness campaign) neih a nih tawh thu an sawi a. All India Radio-ah live phone-in program- me neih a nih tawh thute, TV talk show vawi 2 neih turah vawi 1 neih a nih tawh thu an sawi.
Hmachhawp zingah delegation handbook peihfel tep a nih thu an sawi a. Radio jingles leh promotional video clip siam mek a nih thute an sawi. Informa- tion & publicity sub-ommittee hian G20 business summit programme pawimawhte full video coverage an ti dawn a, documentation an ti nghal ang. Live coverage an tih dawn bakah chanchinbuah display advertisement an pe dawn bawk.
G20 Business meeting information & publicity sub-committee-ah hian I&PR Director chu member secretary a ni a. Higher & Technical Education Director, School Education Director, OSD-cum-Joint Secretary, Home department, MZU, DD- K, AIR leh I&PR officialte an tel a ni.