Paris Saint-Germain star Lionel Messi chu karleh a Bayern Munich nen UEFA Champions League round of 16 a an inkhelh hunah a inkhel ve thei ang em tih zawhna a awm a. Hamstring hliam a neih avangin a dinhmun a chiang lo mek.
Nilaini zan khan PSG leh Marseille te Coupe de France-ah an inkhel a, 2-1 a an tlawm tumin Messi hi a inkhel tluan. Inkhel zawh hnuah a hliam hi enfiah a ni a, hliam na ni lo mahse enkawl ngai a ni tih an hmu.
Messi hliam hi tihrawl hliam a ni chungin a nasa lova, hei vang hian PSG in Parc des Princes-ah German team an mikhual hunah an beisei viau. Nimahsela a fit pangngai vek ang em tih erawh zawhna a awm. Hetihlai hian Inrinni zana AS Monaco nen an inkhelh hunah erawh a inkhel thei dawn lo chiang.
Messi hian tun season-ah PSG tan goal 15 a khung tawh a. Qatar-ah Argentina chu World Cup-ah a champion pui hnuah club tan vawi ruk inkhel leh tawhin goal thum a khung tawh.
Bayern Munich lakah hian PSG hian star player dang Kylian Mbappe chu an chhawr thei dawn lo ngei niin a lang tawh a. Kar hmasa khan France forward hi a inhliam a, kar thum a chawlh a ngai.
Ligue 1 hmahruaitu hian March 8-ah Bayern Munich hi an tlawh ve ang.