NHM Employees Union Mizoram (NEUM)-in CSS hnuaia thawk te hamthat- na tur zirchiang tura sorkarin August ni 16, 2021-a a din study team ten an zirchianna leh rawtnate sorkar hun- tiam a ral fe hnu leh NEUM hruaitu ten Chief Minister an hmuh tawh hnuah pawh tun thlenga cabinet meeting-ah ngaihtuah tura chhawpchhuah pawh a la ni lo chu hriatthiam har an tih thu an sawi.
NEUM chuan sor- kar hmalakna an thli- thlai zui reng thu leh an member te pawh a tul anga lo inruahman tura an hriattir thu an sawi a. “Mipui hrisel- na kawnga thawktute kan nih avangin kan ngaihpawimawh ber chu mipui hriselna a ni reng fovang, amaherawhchu, kan har- satna kan thlen thin te, kan hamthatna tura hma min laksakna kawnga sorkar hmalakna te chik zawkin kan um- zuiin kan thlithlai chho reng dawn a ni” an ti.
Sorkar hnathawk inzawmkhawm pawl – Federation of Mizoram Government Employees & Workers (FMGE&W)-in a hun taka hlawh an lak theih loh avanga sorkar laka an lungawiloh thu thuchhuah an siam pawh NEUM chuan awm an tih pui thu an sawi a. Hnathawktute, a nghet leh nghet lo leh CSS hnuaia thawk te pawh a hun taka an thawh hlawh pe thei tura inbuatsaih tur leh ruahmanna siam turin Mizoram sorkar thu- neitute an ngen thar leh thu an sawi.
FMGE&W hmalak- na chu an thlawp thu leh an hmalakna an lo thlir ve reng thu pawh NE- UM chuan sawiin, “a hun taka hlawh kan hm- uh tlan theihna turin a tul angin kan lo thlithlai zel dawn” an ti bawk.