American football inelna lian National Football League-ah tun season a che tha te chawimawina Zirtawpni zing khan sem a ni a. Super Bowl khel tur Kansas City Chiefs quarterback Patrick Mahomes chu 2022 season chhunga Most Valuable Player a thlan a ni.
Kum 27 mi hi kum 2018 khan MVP hi a lo ni tawh a. Kumin regular season-ah che tha hle in passing yard 5,250 a neih bakah touchdown vawi 41 a vawm chhuak.
Chiefs hian regular season vawi 17 inkhelh tura vawi 14 hnehna an chan theih phah a. Playoffs atan tlingin Playoffs-ah hian an che tha tluang bawk a. Thawhtanni zingah Philadelphia Eagles nen Super Bowl 57 an khel dawn a, Arizona-ah champion nih an inchuh ang.
Mahomes hi MVP vawi hnih ni thei quarter-back pakua na a ni chiah bawk.