Thlasik player bazar-ah Chelsea in na takin sum an hmang a, an squad an siksawi nasa hle. Hei vang hian tun season tawpah an squad paihthawl turin player engemaw zat an chhuahtir dawn niin an sawi.
Nikum May thla a Todd Boehly leh Clearlake Capital ten Chelsea an lei hnuah player 16 a nghetin an lei tawh a, loan in pahnih an hawh bawk.
Hei vang hian Blues squad chu tunah hian a tawt hle a. An player neihsa chhuahtir tum an nei nual.
Heng zinga hming langsar ber chu Christian Pulisic a ni a. United States international hi January thla pawh khan a chhuak mai dawn nia sawi a ni tawh. Manchester United leh Newcastle United te nen sawizawm a ni hman a, nimahsela khup hliam a neih avangin club dangten an ngaihven zui duh lo.
Kum 24 mi hian kum 2019 khan Blues hi Euro maktaduai 64 in a zawm a, kum 2024 thleng tunah hian contract nei mahse a inhliam leh thin avangin Stamford Bridge-ah beisei a pha lo.
Ani bakah Hakim ZIeych, Pierre-Emerick Aubameyang, Mateo Kovacic, Kalidou Koulibaly leh Callum Hudson-Odoi te pawh an sawi tel.