Hmeichhe tennis a British number one Emma Raducanu chu thla thar a khelh tur Indian Wells-ah a tel dawn a, wildcard hmanga tel theihna pek a ni.
Kum 20 mi hi world rankings-ah 80-naah a tlak thlak avangin hmeichhe tournament-ah a tel pha lova. Nimahsela kum 2021 US Open champion a nih tawh avangin wildcard hi a chang pha.
Kumin Australian Open second round-ah American tleirawl Coco Gauff a hneh loh hnuah inelna a la hmachhawn leh lo.
California a neih tur WTA leh ATP Tour a inelna ngaihhlut zing ami ah hian hmeichhe lamah Iga Swiatek chu champion lai niin a title humhim a tum dawn.
Mipa inelnaah tualchhung mi Taylor Fritz chu champion lai a ni ve thung a. Kuminah hian Novak Djokovic leh Rafael Nadal te pawh tel tur zingah hian an la awm a, nimahsela an tel thei dawn em tih erawh zawhna a la lian.
World number one Djokovic hian Covid 19 vaccine a lak loh avangin tun dinhmunah United States a lut thei rih lova. Indian Wells-ah hian vawi nga a champion tawh.
Hetihlai hian Indian Wells a vawi thum champion tawh Nadal hi kawng hliam avangin thla hnih vel chawl tur a ni thung a. A dam hman ang em tih zawhna a awm ve mek.