German champion lai Bayern Munich in Bundesliga-ah hma hruai chhunzawm thei turin hnehna an chang a. VfL Bochum 3-0 in an hneh.
Inrinni zana Allianz Arena a inkhelah Bayern in Paris Saint-Germain an hmachhawn hun atan inbuatsaihna duhthusam an nei.
Halftime hma deuhin Thomas Muller chuan Bochum defender Saidy Janko pass sual atangin goal a khung a. Leon Goretzka chuan halftime dawnah an goal hnihna a khung teuh.
Bayern goalkeeper Yann Sommer chuan Philipp Hofmann goal khung tur tha taka a dan hnuah second half-ah goal tha vawi hnih an khung.
Substitute Kingsley Coman chuan mihnute 64-naah goal hmasa zawk khungin Serge Gnabry chuan penalty atangin an goal thumna a khung ve leh a ni.
Bayern coach Julian Nagelsmann chuan, “Vawiin kan inkhel hian Thawhlehni a kan inkhel tur thui takin a nghawng thei.”
“Thawhlehni ah chuan hmasawn ngei kan duh a, tin, tuna kan result hi a pawimawh hle bawk. Kan hnuaiah Union Berlin in min hnaih avangin chak a paiwmawh a. Kan chak chhoh zel hi a ngai a ni.” tiin inkhel zawhah an tan result tha a nih thu a sawi.