Mizoram Baptist Mipa Pawl (MBMP) Inkhawmpui vawi khatna, Zirtawpni zana Hnahthial khuaa tan chu nizan khan an tiak.
Pathianni chawhma inkhawm chu Chawngrolura Chawngthu, President, MBMP-in a kaihruai a, BCM General Secretary Rev. R. Lalbiakliana’n Pathian hnena hruaitu thar hlanin Rev Dr R. Zolawma, President BCM hnen atangin thupui, ‘Min tiharh leh rawh – chhungkaw tha din turin’ tih ngaihthlak a ni a. Inrinni khan rorel a ni a, chutah chuan kum 2026-ah inkhawmpui neih leh ni se tih a ni.
Tun tumah hian palai 2,517 an kal a. Pastor Bial 77 atangin rorel palai 521 atangin mi 446-in ro an rel. BMP member hi mi 15,841 awmin nikum leh kumin inkhawmpui inkarah mi 275 an thi a. Rorel palaite chuan an thu pawm langsar zingah pandal structure neih ve ni se tih te, MBMP chanchinbu buatsaih ve ni rawh se (kum khatah vawi li chhuak) tih te, Orphange Home ţanpui ni rawh se, tih te, missionary support ni rawh se tih te, ram tan a ruala tawngtai, Christian Hospital pahnih, Serkawn leh Lawngtlaiah poor fund pek te a tel.