Aizawl: Kolasib Sub-Hqrs YMA Kumpuan Committee-in zu leh ruihlo dang an man Rs nuai 6 chuang man hu chu Inrinni khan Kolasib Rengte Tlang-ah an tiral.
Zu leh ruihhlo tihral hmaa inkhawm tawi kaihruaitu, Kumpuan Chairman C. Liankunga’n ruihhlo do kawngah theihtawp an chhuah thin thu te, ruihhlo zuartu an mante chu TNT Home lamah an dah tlangpui thin thute a sawi a. Ruihho zuartu an mante chu ukil thenkhatten an lo la chhuak leh thin nia sawiin, rilrunatthlak a tih thu a sawi.
He hun hmanpuitu MJA Kolasib District President Andrew Vanlalauva pawhin zu khapna state-ah ni tin zan tin zu leh ruihlo man tur a awm chu pawi a tih thu sawiin, dan bawhchhetute man chhuah kawngah YMA duty-te kutke tichaktu ni theuh turin district chhung mipuite a sawm nghal bawk.
Kolasib Sub-Hqrs YMA Kumpuan Committee-in ruihhlo an tihral takte hi heroin eng emaw zat, sap zu case 46 bakah ganja pack 35 te a ni a, an ruihlo tihral man hlut zawng hi Rs.6,83,600 nia chhut a ni.