AC Milan in inelna hrang hrangah a zawna vawi sarih chak hmel an hmuh loh hnuah hnehna an chang a, 1-0 in Torino lakah an chak.
Zirtawpni zanah San Siro-ah Milan in Turin khaw club te zawk an mikhual a. World Cup zawha an inkhelh leh hmasak ber tuma an chak hnuah Milan a vawikhatna atan an chak ve leh a ni.
Milan tan inkhel a goal awmchhun hi minute 62-naah striker Olivier Giroud chuan wing-back Theo Hernandez ball cross a tauh luh a ni a. Milan goalkeeper Ciprian Tatarusanu chuan striker Antonio Sanabria lakah save tha a nei nual a. Lehlamah Torino goalkeeper Vanja Milinkovic-Savic pawhin Rafael Leao goal khung tur a dansak tha hle bawk.
Milan coach Stefano Pioli chuan, “Inkhel hautak a ni a, an goal an ven nasat avangin duh anga inkhelh a har a, mumal taka ball inpek a har. Mahse hnehna chang turin kan thawkrim a, hmalam panna pawimawh a ni.” a ti.