Aizawl : Aizawl North II bialtu MLA Dr. Vanlalthlana’n Inrinni khan a bial chhunga awm Govt. Ramhlun Vengthar Primary school siam- that hnatlang a tawiawm.
Ramhlun Vengthar Primary school hi kum 1972-a din niin, a building awngrawp deuh lai te thawmthat fo a ni tawh chungin ruahsurah a chung a far nasat tawh avangin bialtu MLA-in Ramhlun Vengthar YMA kutah sikul sakthatna turin MLA fund a pe a, YMA-in hma an la zui nghal ta nia thudawn a ni.
Dr. Vanlalthlana chuan khawtlang tangrualin vengchhung school tana thahnem an ngai chu lawawm a tih thu sawiin, hnatlangte thingpui in na atan Rs 2,000 a pe a. Sikul chung thlak leh classroom ceiling siam a nih dawn bakah sikul kawt cement a zut thar vek tura ruahman a ni.
Bialtu MLA chuan Govt. Ramhlun Veng- thar primary school chu MLA Adopted School-ah puangin, Ramhlun Vengthar branch YMA nen inremna an siam a. School enkawlna atan MZU-a Education department-a mithiam te consultant atana ruaiin, an ruahmanna angin hma an la thin a ni.