Lir a nghin atanga hun a liam tam tawh avangin in chim kara tangte dama chhan tur an awm beiseina a tlem telh telh karah mak tak taka chhanchhuah an awm mek zel.
Inrinnia chhan chhuah zingah pawh Turkey-a Gaziantep province-ah chhungkaw khata mi panga chu darkar 100 chuang hnuah dama lak chhuah an ni.
AP news agency chuan nu leh pa, an fanu pahnih leh an fapa chu ni nga zet a liam hnuah in chim hnuai atangin damin an la chhuak tih a tar lang.
AP vek hian Hayat proince-ah hmeichhe naupang kum sarih mi chu darkar 132 dawn in chim hnuaia a tan hnuah damin lak chhuah a ni bawk tih a tar lang.
BBC chuan Turkey chhim lam, Antakya khawpuiah unau hmeichhe pahnih chu Nilaini khan mak taka chhanchhuah an nih thu a tar lang bawk.