Jharkhand Police chuan pa pakhat, a nupui thata phumtu an man a. He pa hian a nupui hi a thah hnuah thuneitute hnenah hian a bo tiin complaint a thehlut nghe nghe a ni.
Girdih Deputy Superintendant of Police Sanjay Rana chuan mi rinhlelh, Manish Baranwal-a hi man a ni tawh tih thuthar lakhawmtute hnenah a sawi.
“January 1, 2022 khan Manish Baranwal-a hian a nupui chu a tlan bo emaw, miin an ru emaw a nih a rin thu a thlen a. December 14, 2021 atang khan a nupui hi bo tawh angin a sawi,” a ti.
Ngun taka thil awm dan zawta kawm a nih hnuah a nupui hi thatin a ruang pawh a thiante inah a phum thu a sawi ta a ni tih SP chuan a sawi.
“A phumna nia a sawina hmunah hian ruang pawh hai chhuah a ni a, endikin DNA test a ni a. Manish-a hi man niin mi dang inrawlhte pawh man tum mek an ni,” a ti.