Russia ngenna anga UN Security Council-a thusawi Pink Flyod member hlui Roger Waters demna leh sawiselna a riring hle.
Kum 79 mi hian council member 15 awmnaah thu sawiin, Russia-in a thenawm ram a run chu unprovoke a ni lo, a tih laiin, run ngei ngei tur dinhmunah Ukraine a ding, tiin, a dem tawn ve ve.
“Russian Federation-in Ukraine a run hi Dan kalh tlat a ni a, a na thei ang berin a dem” a tih laiin, Waters hian Kyiv a dem ve tho.
“Russia-in Ukraine a run thilah hian unprovoke-na a awm lo. Chuvang chuan, run lo thei lo dinhmuna insiam Ukiraine pawh hi a na thei ang berin ka dem,” a ti a ni.
Heti anga a thusawi duh dan hi tunhma atang tawha Anti-war thuchah keng a, ‘aw’ lo chhuah fo tawh a nihna laiah dem a hlawhin, sawiseltu an tam hle. A bik takin Ukraine leh a thawhpui ramte’n Waters hi kuang lo nawrah puhin, an dem rawn.