Mizoram Taekwondo team chuan 38th National Senior Taekwondo Championship neih zawh takah medal pali an la.
Puducherry a February 10 atanga 12 inkara inelna neihah hian Mizo taekwondoist ten silver medal pakhat leh bronze pathum an hlawhchhuak.
Mizoram medal lakna hi Poomsae inelnaah vek niin H.Vanlalfela Armed Veng South leh Vanlalhmangaihzuali Kolasib te tan dun ten silver an la a. Quarterfinal leh semi final round-ah te a sang pathum zingah an tel vek a. Final round mi 8 inelnaah point 64.2 hmuin an chung chiah point 64.5 hmutu SSB te chu point 0.1 chauha pha lovin pahnihnaah an tawp.
Individual mipa leh hmeichhia khel te Lalthlamuanpuia (Venghlui) leh Vanlalhmangaihzuali (Kolasib) ten bronze medal an la ve ve a. Mipa team Lalthlamuanpuia, Daniel Lalhumthanga, H.Vanlalfela te tang ho chuan bronze medal an la bawk.
Kyorugi lamah fighter pathum telin quarter-finalah an tawp vek.
National Senior Championship ah hian state 35 leh central service pasarih an tel.