Aizawl : MSU executive committee nimina thukhawmin, sorkar hna- thawk inzawmkhawm FMGE&W-in sorkara an thil phut hrang hrang zinga mi pension kum 62 ni tura hmalaksak tura sorkar an phut chu a tawp thlenga dodal an rel.
MSU hruaitute chu- an tun thla ni 6 khan Deputy Chief Minister Tawnluia hnenah sorkar hnathawk pension kum atan 62 tih chu Mizoram sum dinhmun leh ṭhalaite hna hmuhna kaw- nga harsatna thleng thei ngaihtuaha tihlawhtlinglo tura an ngen thu an sawi a. Sorkar hnath- awk pension kum tih danglam tumna chu a tawp thlenga an do tur thu an sawi a ni.
Mizoram budget thar pharh taka demand for grants 2023-24 no. 54-na ah College zirlaite fee, sokara chhunluh titawpa, zirlaite fee chu college hmasawnna ata- na hman a nih theihna tura hmalaksak tura October ni 20, 2022-a sor- kar an ngenna hlawhtli- nna a lo lan thu sawiin, kum 2017-a college zirlaite tana study tour/excursion-na tur Mizoram budget-a dah tura sorkar an ngenna pawh kumtin dah a la nih thu leh Rs nuai 50 dah leh a nih thu sawiin, lawmawm an tih thu MSU chuan an sawi bawk a ni.