Barcelona tan a hun takah midfielder pawimawh Pedri a che leh a, inkhel a goal awmchhun khungin Villarreal 1-0 in an hneh.
Pathianni zanah Estadio de la Ceramica a inkhelah hian Barcelona in hnehna an chan avangin league-ah point 11 in hma an hruai mek a. Kum 2019 hnua a vawikhatna atana league title chawi turin dinhmun tha an luah mek.
Barca striker Robert Lewandowski chuan inkhel tan tirah goal khungna hun nei mahse Villarreal goalkeeper Pepe Reina chuan a dansak a. Minute 18-naah kum 20 mi Pedri tan ball tha siamsakin Spanish midfielder in goal-ah a khung.
Poland striker hian goal khungna remchang a neih belh nual a, mahse Spanish veteran Reina in a goal a veng tha hle.
Barca manager Xavi Hernandez chuan hnehna chang mahse a naute inkhelah a lungawi tawk lo. “Goal khung theihna huntha kan puitlin loh a tam. A hmawrbawkna kan ti fuh lo thin a, thutlukna siam dik loh kan ngah. Goal khat chauh a chak nimah ila attacking football khel thin team kan ni.”
“Game 17 a la awm a, point 11 hi a tawk lo, paihthlak theih kan la ni. Chuvangin game khat a beisei phak loh hi a la pawi thei hle.” a ti.