Aston Martin F1 Team chuan Thawhtanni khan an car thar AMR23 chu Silverstone a an hmunpuiah an tlangzarh a. An driver thar Fernando Alonso chuan beisei a neihsan thu a sawi.
Spanish driver world champion vawi hnih ni tawh Alonso hian English team hi tun season atangin a zawm a. Kuminah hmasawn a pawimawh tih sawiin, “Tlang takin kuminah chuan hnehna kan chan theih ka ring lo. Mahse car tha tak neih a pawimawh. Kan bul tanna a san chuan season chawhnu lamah pawh hma kan sawn hle thei a, huntha a inhawng thei.”
“Kuminah hian car tha kan neih theih chuan nakkumah hnehna chang thei tur zinga invawrh hi thil theih a ni a, dawhsan a din tumte zingah kan tel ve thei.” tiin a sawi bawk.