Kum 23 liam taa a chhuahsan tawh a band hmangaih hmasa MEGADETH chu guitarist Mary Friedman-a’n a vawikhat nan reunite a neihpui dawn ta.
Nippon Budokan, Tokyo khawpuia show neih turah hian one-off reunion an nei dawn chu a ni a, Megadeth fan te tan an tawngtai chhanna a ni chiang hle.
Rolling stone tarlan danin, Friedman hian February 27-a show awm turah kum 23 chhunga avawikhatna ni turin a band hlui hi a tawiawm dawn. Japan-a kum 15 khawsa tawh Friendman tan paw’n thil lawmawm tak ani dawn a,, band-a a tel lai khan Budokan-ah hian show an la nei ngai lo a ni.
Band dintu leh puipa ber Dave Mustaine chuan reunion awm tur chu, ‘Brithday liantham leh Masi present’ ang mai a ni, tiin a lawmawm a tih thu a sawi.
Friedman hian February 1990 khan Megadeth ban d a zawm hnu ah January 2000 khan a chhuahsan. Hemi hun chhung hian Platinum kaipha band album pathum- ‘Rust in Peace (1990), ‘Countdown to Extinction’ (1992) leh ‘Youthanasia’ (1994) te bakah ‘Cryptic Writings’ (1997) leh ‘Risk’ (1999) ah te a inlan a ni.
Hemi hnu hian music kalpui duhdan leh tuizawng a inmil tawh lo niah ngaiin, band a chhuahsan a, a hmunruak hi Al Pitrelli-a’n a rawn hnawhkhat.