Serie A a pahnihna luah mektu Inter Milan in point an hloh a. Goal an khung theih loh chu tuarin Sampdoria nen goal inpe lovin an inhnehtawk.
Thawhtanni zana Stadio Luigi Ferraris a inkhelah Inter hi a che tha zawk chiang takin an ni a, nimahsela goal khungna remchang an neih hnem chu goal-ah an chantir thei lo leh thin.
Sampdoria goalkeeper Emil Audero chuan inkhel tan tirah Inter striker Romelu Lukaku goal khung tur a dansak a. First half-ah tho Lautaro Martinez chaun goal ngei tura ngaih penalty area chhungah a pet sual a. Matteo Darmian pawhin huntha a neih goal zawnah a pet thei lo.
Sampdoria in season harsa an hman karah point khat pawh an tan a hlu tih an hria. Rim taka thawkin Inter goal khung tir loh an tum hle a, an hlawhtling.
Hakan Calhanoglu leh Francesco Acerbi ten huntawp dawnah Inter an chakpui teuh a, mahse Audero bawkin Sampdoria a chhandam.
Inter coach Simone Inzaghi chuan, “Sampdoria kha kan zuam sual a ni lo, mahse kan chance neih zawng zawng ngaihtuah chuan goal khung tur chu kan ni. Chak kan duh avangin kan result-ah lungawi a har kan ti.” tiin inkhel zawhah a sawi.