NBA team naupang leh hmasawn chak Cleveland Cavaliers chuan a zawna vawi sarih hnehna an channa ni turin 117-109 in San Antonio Spurs an hneh.
Thawhlehni zinga Cleveland khelmuala inkhelah hian Cavaliers star Donovan Mitchell chuan point 41 a score a. An khingpui San Antonio Spurs hian an team chanchin a an tlawm zawn rei ber tlukin a zawnin vawi 13 an tlawm tawh.
Cavaliers star Mitchell-a’n 3 points vawi nga lutin first half-ah point 23 a score hman a. Cavs in point 18 a hma an hruai theihna lian tak a ni. Cleveland hian point 21 a san zawk lai nei hman mahse Spurs in an beilet a, amaherawhchu fourth quarter-ah an dinhmun an siamtha thei lo.
Cavs coach J.B. Bickerstaff erawh an inkhelah a lungawi tawk lo. “Kan theihna ang takin kan khel lo, chu chu a chiang. Nidanga kan tih fo thin ang tun inkhelah kan ti lova, hnehna kan chang kha kan vannei hle.” tiin a sawisel.
Cavs tan Jarrett Allen, Darius Garland leh Evan Mobley ten point 17, 16 leh 15 an thawh ve bawk.