BJP chuan Assam-a Rajya Sabha seat khat by-election neih turah an party atanga ding turin Biswajit Daimary an ruat tih an puang.
Parliament rorelna in sang zawka bial khat ruak inthlak ngai hi November thlaa Daimary-a tho a bân vang a ni.
Daimary-a hi kum 2008 atang tawh khan term thum lai Rajya Sabha member a lo ni tawh a, Hagrama Mohilary-a kaihhruai Bodo People’s Front (BPF) hminga ding a ni.
Nikum pawh khan thlan nawn leh a ni a; mahse, a hnu lawkah BJP leh BPF inkarah khi a awm zui avangin MP nihna chu a bânsan zui ta a. A hnu lawkah BJP hi a zawm zui lehnghal a ni.
Nimin khan BJP Central Election Committee chuan a bial chhuahsan taka ding leh tur hian an ruat tih an puang.
Election Commission of India chuan Daimary-a kalsan biala by-election hi March 1-a neih tur tiin kar hmasa khan a puang tawh a ni.