Mexican right-back Julian Araujo chuan thlasik bazar inhawn laiin Barcelona a pan theih loh hnuah a insawnna tihfel a ni dawn a, contract ziakin a insawnna a ti thei dawn.
January thla khan Araujo hi transfer window inkhar ni khan Barcelona in lalut turin inremna an nei vek tawh a. Nimahsela a insawnna lehkha vel tifel turin second 18 in an tlai.
Barca director of football Mateu Alemany chuan a insawnna tihfel dan hi an dap tih a lo sawi tawh a. An hmalakna hlawhtlingin vawiin hian Araujo hian Euro maktaduai 4 in LA Galaxy atangin Barcelona hi a zawm vel ang.
Kum 21 mi hian kum 2026 thleng contract a ziak dawn a. United States a piang a ni chungin Mexico tan a khel a. LA Galaxy-ah bul tanin kum 2019 khan first team tan a inkhel tan a, an tan vawi 108 a inkhel tawh.
Barcelona-ah hian tun season-ah first team tan a inkhel dawn lova, a hnampui Rafael Marquez hnuaiah reserve team-ah a inkhel phawt ang.
Marquez chuan, “Team ka enkawl hma atang tawha an lo zirchian tawh a ni a, club a zawm tur hi a lawmawm. Ka hnuaia hun a hman hnuah a insawn chhoh theih ka beisei.” a ti.