Aizawl: Development of North Eastern Region (DoNER) Minister G. Kishan Reddy leh Chief Minister Zoramthanga te chu nimin chawhnu khan DoNER kaltlanga state hmalakna hrang hrangte sawiin video conference kaltlangin an inkawm.
An inkawmnaah hian sorkar kum 2022-23 atana budget expenditure chungchang te, hmarchhak state-te tana investment summit buatsaih tum atana hmalakna te, G-20 summit atana inbuatsaihna te, North East Industrial Development Scheme (NEIDS) chungchang te, CNA fund system atana inbuatsaihna te, PM Devine hnuaia project chungchang leh a dangte an sawi dun.
Chief minister hi Chief Secretary Dr. Renu Sharma, Planning & Programme Implementation Secretary Lalmalsawma Pachuau leh Principal Adviser-cum-Additional Secretary Dr. Lalrinchhana bakah official dangten an telpui.
DoNER minister hian nimin vek khan Assam, Arunachal Pradesh, Manipur leh Sikkim state hruaitute a kawm bawk.