Kanye West (YE) nena an thawhdun laia an siamchhuah product hrang hrangte chu an hralh (sell) vat loh chuan Adidas hian $Maktaduai 533 vel lawi a hloh dawn.
German company hlawkna pawh hi kum khatah $Billion 1.28 laiin a hniam dawn tihna a ni bawk a, Yeezy merchandise hi man tlawm tak pawha tihral dan angaihtuah vat loh chuan a hloh hi hei ai hian a tam thei bawk.
Yeezy tih hming nena Kanye nene Adidas thawh dunna hi tunhma zawng khan hralh a kalin, a tu ve ve pawhin an hlawkpui hle. Mahse, tunhnai deuha Kany-a’n Juda huatna leh Hitler chaiwmawina lam a sawichhuah zauh zauh vangin boruak duhawm loh tak a thleng chho zui. Hei ang hian Adidas pawhin Ye nen an thawhdunna an titawp nghal.
Company te hian man tlawm zawk leh discount tha takin an thil siamchhuah tawhte hi tihral dan an ngaihtuah fo thin a, Adidas hian chawi belh ngai deuh pawh ni se, Yezzy product hrang hrang chuang erh urh hi tihral dan an zawn vat chu a ngai ang.