Narmadapuram district, Madhya Pradesh-a biak in leh tawngtainna hall hala suasamtu nia puh mi pathum man an ni.
Tribal chen tamna, Chaukipura-a Pathian biakna hmunte hi Pathianni khan suasam a ni a. Sakhaw lehkhabu leh a chhunga bungraw awmte hal chhiat a ni.
Tawngtaina inah pawh bungrua hal chhiat niin a bangah thumal, ‘Ram’ tih Hindi-a ziah a ni bawk.
Man zinga pahnih, Akash Tiwari leh Avanish Pandey te chu Uttar Pradesh-a cheng niin pakhat hi kum 28 mi, Shiva Rai, electrician a ni a. Pandey hi Ayodhya-a cheng, MBA degree nei niin Tiwari hi Jhansi-a cheng a ni thung.
Police-in thu an zawh fiaha a lan dan chuan Tiwari-a hian Pandey-a hnenah hian an biak in bitum awmna chu Google location hmanga hrilh mai duhtawk lovin a bank account-ah pawisa a thunsak niin sawi a ni.
Tual chhung mite chuan biak in hal tak hi Evangelical Lutheran Church of America nena inzawmna nei niin an sawi.
Indian Penal Code Section 295 tlawhchhanin he thil thlengah hian thubuai ziah luh a ni.