PC party President Vanlalruata’n “Miz- oramin budget ruahm- annaa bultumtu Finance changtu kan nei tha tawklo hi ram leh mipui tàn a vanduaithlak” a ti.
Nimina PC party hruaiti ten Mizoram budget an thlirhonaah he thu hi an President Vanlalruata chuan a sawi a. Mizoram sum dinhmun a chhe chak nia sawiin, “kan budget thar hi Rs. vbc 640.01 a indaihlosaa bulṭan tur a ni nghal a, Rs. vbc 272.33 puk belh chung pawha kumtawpa Rs vbc 628.51 a indaihlo tura chhut a ni” a ti.
Vanlalruata chuan “nikum (2021-22) kh- an sum indaihlohna Rs vbc 123.34 a ni a, Rs vbc 4,595.03 pukbelh chungin kum ta- wpa indaihlohna chu Rs vbc 507.48 a ni”, a ti a. Kum kallai (2022-23) kum tirah indaihlohna Rs vbc 133.09 nei tura chhut niin, Rs vbc 2,582.54 pûk belha, kumtawpah hman bang Rs vbc 23.41 nei tura duan a ni a, pûk tura ruahman aia tam Rs vbc 3,197.23 pûk chungin kumtawpa indaihlohna nia chhût chu Rs vbc 640.01 a ni” a ti bawk.
PC party President chuan “kum kal tawh dinhmun thlirin a tak- ah chuan hei ai hian a tam ang” a ti a. “Heng aṭanga en hian kumin kumtawpa indaihloh- na tura chhut Rs vbc 628.51 hi Rs vbc 1,000 a kai theih hial a rinawm” a tiin, “Hetiang taka Mizoram sum dinhmun a chhiat chak viau lai hian Mizoram hian Finance Minister tha nei angah kan la inngai thei em?” a ti bawk a ni.