Aizawl : MZP executive committee nimina thukhawmin India sorkar-in Jet fighter-a Mizoram a beih champha Zoram Ni hman dan tur an sawiho a. Sorkar hnathawk pension kum chungchang, pension rawih nawn chungchang leh pawl chhung thil pawimawh hrang hrangte an rel.
MZP chuan kum 2008 atanga Zoram Ni tia an lo hman, India sorkarin Jet fighter-a Mizoram a beih chanpha March ni 5 chu kuminah pawh hman leh an rel a. Ram leh hnam hmangaih inzirtirna ni atana hman ni se, an ti.
Tunhnaia sorkar hn- athawkin pension kum tihsan phuta hma an lak mekna pawh an ngaihdan dinglai angin tha an tih loh thu MZP hruaitute thukhawm chuan an sawi a. Thalai hna zawng mek leh hna nei lo lehkhathiam tam tak an awm mek laia sorkar hnathawk pension kum tihsan chu inhmehlo an tih thu leh sorkar hnathawk pension kum dinglai kum 60 chu tha an la ti rih tih an sawi. Sorkar hnathawk pension tawh rawihnawn pawh tha an tih loh thu sawiin, pension tawh rawihnawnna tura file kal mek awmte pawh a tul anga an umzui tur thu an sawi bawk.