US pa, mi a that tia a puha thiam loh chantir, kum 28 zet lung ina tang tawh chu a chungthu rel dan thlak lehin tih sual a nei lo tiin Missouri-ah chhuah zalen a ni veleh ta.
Kum 50 mi ni tawh, Lamar Johnson-a hi St Louis-a court pindan atangin Judge David Mason-a’n Thawhlehnia tih sual nei lo tia a chungthu a rem that leh hnuah zalenin a chhuak veleh ta hram a ni.
Judge chuan thu hretu pahnih hnen atangin ‘chiang leh finfiah dawl tak’ an hriat hnuah Johnson-a chu engmah tih sual nei lo niin a puang a ni.
Kum 1994 khan Marcus Boyd-a thata puh niin thiam loh chantir a ni.
Johnson-a hi thiam lohna nei lo tih puan a nih lai hian amah pawh a hlim ve tih hmuh theih a ni a, amah thlawptute phei chuan lawmin kut an beng a, an phusa nasa hle.
Court pindan a chhuahsan hnuah, “Thil a inthlak danglam phut a ni ber mai,” a ti.
Nikum khan Attorney Kim Gardner chuan dan lama pawl pakhat, Innocence Project nen an chhui hnuah Johnson-a chu chhuah tura ngenna a lo thlensak tawh.
Thawhlehnia ngaihtuah a nih lai hian Johnson-a dan hre mite chuan amah hrema tan ina dahtu, state attorney general pisa chu an dem nasa hle.
Office hian ‘Lamar-a hi thil tihsualah an puh bâng thei lo va, tan ina thihtir an duh niin a ngaih theih’ hial niin Johnson-a aiawha dingte chuan an sawi.
Attorney general pisa chuan tuna thubuai remna bak hi chu engmah kalpui zui an tum tawh lo tih an sawi.
Boyd-a hi October, 1994 khan Johnson-a bathlarah hmai tuam mipa pahnihin an kap hlum.
Johnson-a chuan hetih lai hian inah a awm lo tih a sawi ngar ngar a, thil tisuala an puhna hi a pha nasa hle.
Judge Mason chuan thuhretu pakhatin a puhna a phat leh bakah mi tang mek pakhatin Boyd-a chu puh ve dang, Phil Campbell-a nen an thah a ni tih a puang tih a sawi.
Thu ngaihtuah laiin Campbell-a hian thil a tihsual loh thu leh a tan hun pawh tihtlemsak turin a ngen nasa a, kum sarih tang tura hrem a ni.