Kumin January ni 27 atanga nimin thleng khan Champhai district Police-in ND&PS Act, 1985 hnuaiah thubuai 6 ziaklutin, hemi kaihhnawiha man mi 7 zinga 1 chu ramdang mi a ni.
Champhai district level narco coordination centre (NCORD) committee thutkhawm nimina neiha tarlan a nih danin, kumin January ni 27 atanga nimin thleng khan Champhai district Police-in Heroin hawng 187 (gram 2354) man- in, tualchhung mark- et-a a hlut zawng Rs 56,10,000 nia chhut a ni a, heng zinga ha- wng 9 (119 gm) te chu Assam Rifles ne- na thawkhova an man a ni. Alprazolam mum 450 (30 g), tualchhung rate-a Rs 15,000 man an man bawk.
Kumin January ni 27 atanga nimin thl- eng khan Champhaia Excise & Narcotics department pawhin ND&PS Act, 1985 hnuaiah thubuai 3 ziaklutin, hemi kaihhnawiha an mi man 5 zinga 1 chu ramdang mi a ni a ni. Excise & Narcotics deptt. hian Heroin gram 94, tualchhung rate-a Rs 1,12,800 hu an man a ni.
Kumin January ni 1 atanga nimin thle- nga Champhai district Police-in ND&PS Act, 1985 hnuaia thu- buai an ziahluh tawh chu 12 niin, hemi kaihhnawiha an mi man 17 zinga 4 te chu ramdang mi an ni a. Hemi hun chhung hian He- roin hawng 210 (2639.96 gm) manin, tualchhung market-a a hlut zawng Rs 63,00, 000 nia chhut a ni a. Heng zinga hawng 16 chu Assam Rifles nena thawkhova an man a ni.
Ganja kg 6.35, Rs 9,525 hu nia chhut pawh Assam Rifles nena thawkhovin an man a, Alprazolam mum 450 (30 gm), Rs 15,000 hu an man bawk. Kumin January ni 1 atanga nimin thlenga Champhai Police leh Excise & Narcotics ten ruihhlo an man zawng zawng hl- ut zawng chu tualchhung rate-a chhutin Rs 63,24,525 a tling a ni.