UN hnuaia International Organization for Migration (IOM) chuan Libyan vaukamah ram danga pem tumte chuanna lawng pilah mi 73 vel chin hriat lohvin an awm a, an thi ni ngeia rin a ni tih an sawi.
Thawhlehnia lawng chesualah hian mi pasarih chiah damin an chhuak a, anni pawh damdawi inah enkawl niin an dinhmun a tha lo hle
Libyan Red Crescent leh police-te chuan ruang 11 an hmu tawh.
Lawng hian Europe a pan a, an kalkawng hi IOM-in ‘khawvela pemna tuipui kawng hlauhawm ber’ tia a lo sawi thin a ni.
Mediterranean Sea-ah hian kuminah ringawt pawh mi 130 chuang an thi tawh.
IOM chuan nikum khan Missing Migrants Project tia an chhinchhiahah mi 1,450 chuang an thi tih an sawi bawk.
Pawl thupuangtu, Safa Msehli chuan chet lakna thar mamawh tak zet a nih thu a sawi a. ‘Mi zawnna leh chhanchhuahna hmanrua tam leh tha zawk te, khawl tha leh zinna atana him zawk leh kawngpui him tha zawk te, pem tumte himna tura ngaihtuah zau zawk sente a ngai hle’ tih a sawi a ni.