Maharashtra khawchhak lama Latur khawpui hmun thenkhatah lei hnuai lamah ri mak tak hriat a ni a, mi an chiai hman hle a; mahse, lirnghing lam thil erawh engmah hriat leh hmuh a ni lo.
Ri hi Nilaini chawhma dar 10.30 leh 10.45 inkar vela Vivekanand Chowk-a hriat a ni a, mi chengte an chiaiin lir a nghing dawn nia rinna neiin an phili hle.
Mi thenkhatin tual chhung thuneitute hriattirin district disaster management department pawhin Latur bakah Aurad Shahajni leh Ashiv khuaah lir a nghing em tih an en nghal a; mahse, ‘lirnghing lam thil erawh a awm lo’ tiin thuneituten an sawi.
Kum 1993 khan he district-ah hian Killari khua leh a chhehvelah nasa takin lir a lo nghing tawh a, mi 10,000 vel zet an thi.
Disaster management officer Sakeb Usmani chuan Marathwada region-ah pawh lei hnuai atanga chhuak ri mak tak tak hriat a nih fo tawh thu Nilaini khan a sawi.
September, 2022 khan Latur district-ah hian Hasori, Killari leh a chhehvelah tum thum lai hetiang ri hi hriat a ni tawh bawk.
February 4 khan Nilanga tehsil-a Nitoor-Dangewadi velah pawh hriat a lo ni tawh bawk.