K-Pop girl group lar MOMOLAND chuan rimawi khawvel an chawlhsan dawn ta.
Member paruk- Hyebibn, Jane, Nayun, JooE, Ahin leh Nancy te chuan an mahni instragram kaltlang theuhin thuziak inang an dahchhuak a, kum sarih an thawhho hnu ah MOMOLAND thlahna hnuhnung ber an tarchhuak a ni.
An mahni buaipuitu leh enkawltu ni bawk MLD Entertainment nena an inkara inremna contract an ziah a tawp tawh a, engtinnge ni zel dawn tia thla hnih thum vel ngaihchan a nih hnu-ah thawhhona thutlung a tawp fel tih a chiang ta a, member paruk te hian a hrang theuhin mahni kawng an zawh a ngai dawn.
MOMOLAND hian rimawi khawvelah hming an chher viau hman a, an thawm riva pawh a ring. A bik takin, Nancy hian lawm a hlawh fal deuh niin a lang. India ramah pawh Nancy hian fan a ngah a, ngaisangtu leh atchilhtu an tam hle.